តើប្រិយមិត្តធ្លាប់បានលេងហ្គេម Hay Day ដែរឬទេ? វាគឺជាហ្គេមដ៏ពេញនិយមមួយកាលពីប៉ុន្មានឆ្នាំមុន ដោយនិយាយអំពីការចិញ្ចឹមសត្វ និង...
My Hospital ត្រូវបានបង្កើតឡើងដោយក្រុមផលិតហ្គេមឈ្មោះ Cherrypickgames ដែលនិយាយអំពីការរៀបចំមន្ទីពេទ្យតូចមួយ ហើយអ្នកគឺជាអ្នកគ្រប់គ្រង់គ្រប់ផ្នែកទាំងមូល ទាំងការព្យាបាលអ្នកជម្ងឺ, ការផលិតថ្នាំ, វាក់សាំង, សារ៉ូម, ទិញថ្នាំតាមប៉ាម៉ាស៊ី, បើកហឹបសំណាង និងផ្សេងៗទៀតជាច្រើន ដែលយើងត្រូវមានភាពវ័យឆ្លាតក្នុងការគ្រប់គ្រងមន្ទីពេទ្យតូចរបស់យើង ដោយលេងយូរៗទៅ យើងអាចពង្រីកទីតាំងមន្ទីពេទ្យរបស់យើងឲ្យកាន់តែធំទៅតាម Level ដែលយើងទទួលបាន ពិសេសដើម្បីបំពេញទៅដល់តម្រូវការអ្នកជម្ងឺ ដែលមកមន្ទីពេទ្យរបស់យើងមិនចេះចប់មិនចេះហើយ។ ជាងនេះទៅទៀត My Hospital ក៏មានទម្លាក់នូវ items ជាច្រើនផងដែរពេលពេលអ្នកទទួលបានជោគជ័យពេលព្យាបាលអ្នកជម្ងឺ ក៏ដូចជាផ្ទុះ Level ជាដើម ដែលយើងអាចយក items ទាំងនោះទៅលេងបន្តទៀតបាន ដូចជាធ្វើការ Upgrade នូវគ្រូពេទ្យ, ការផលិតថ្នាំ, ពង្រីកទីធ្លាមន្ទីពេទ្យ និងជាច្រើនផ្សេងទៀត ទៅតាមសមត្ថភាពលេងរបស់អ្នកផ្ទាល់។
សម្រាប់អ្នកលេងហ្គេមនេះដំបូង អ្នកនឹងត្រូវបាននែនាំអំពីរបៀបលេងថាតើត្រូវលេងដោយរបៀបណាខ្លះ ដើម្បីព្យាបាលអ្នកជម្ងឺ ក៏ដូចជាការផលិតថ្នាំថ្មី ជាដើម ដែលអ្នកអាចលេងរហូតទាល់តែស្ទាត់ដៃដោយខ្លួនឯង ដែលដឹងថាត្រូវធ្វើអ្វីមុនដើម្បីបំរើសេវាកម្មសុខភាពទៅដល់អ្នកជម្ងឺទាំងនោះ។ គួរបញ្ជាក់ផងដែរថា My Hospital គឺជាហ្គេម Online ដូច្នេះវាក៏មិនខុសពីហ្គេមដ៏ទៃផ្សេងៗទៀតដែរ ដែលវាមានដាក់លក់ items នានា ដែលតម្រូវឲ្យអ្នកលេងចាយលុយខ្លះ ដើម្បីលេងហ្គេមនេះបានងាយស្រួល ព្រោះថាលេងកាន់តែយូរ វគ្គ និងរបៀបលេងគឺកាន់តែតឹង ដូច្នេះបើអ្នកមិនអាចរាប់រងទៅនឹងការលេងហ្គេមទាំងមូលបាននោះទេ អ្នកនឹងត្រូវការជំនួយបន្ថែមជាច្រើន តែបើអ្នកមិនចង់ទិញ items បន្ថែមក៏បាន បើអ្នកគិតថា ទឹកដៃ ក៏ដូចជាសមត្ថភាពលេងហ្គេមរបស់អ្នកអាចគ្រប់គ្រងហ្គេមទាំងមូលបាន។
សម្រាប់ប្រិយមិត្ត ដែលមានចំណាប់អារម្មណ៍ចង់លេងហ្គេមស្រដៀងទៅនឹង Hay Day នោះ អ្នកអាចទាញយកហ្គេម The Hospital យកទៅលេងបានដោយមិនគិតប្រាក់ពីទីផ្សារអេឡិចត្រូនិច Play Store និង App Store បានចាប់ពីថ្ងៃនេះតទៅ។
